முடிந்தது சூர்யாவின் கதை 2010ல்...

2008 கடைசில பதிவுகள் எழுத ஆரம்பிச்சு கிழிச்சது பெருசா ஒன்னுமில்ல.. 2009 முழுசும் வெட்டியாவே போச்சு... அதுக்கு காரணம் ரெண்டு..

1* என் மனத் தயக்கங்கள்..

2* முதலாவதாக சொன்னதேதான்...

மனத் தயக்கங்கள பட்டியலிடுறேன்... மனசுவிட்டு பேசுனா குறையுதான்னு பாப்போம் மனத்தயக்கம்....

** பின்னுட்ட மேனியா **

எந்த பின்னூட்டத்துக்கு நன்றி சொல்றதுன்னே தெரியலீங்க.. நம்ம பதிவ பிரிச்சு மேயுற.. புதுசா யோசிக்க வைக்குற பின்னூட்டங்களுக்கு பதில் சொல்லலாம்.. படிக்காமலேயே பின்னூட்டம் போட்டா அதுக்கும் நன்றி சொல்லி நேரத்த வீணாக்கனுமா???

என்னுடைய தயக்கம் இதுதான்.. பின்னூட்டம் இடுற எல்லாருக்கும் நன்றி சொல்லனுமா?? இது சம்பந்தமா பதிவுலக சட்டம் என்ன சொல்லுது..

*** பதிவுகள் இடைவெளி ***

ஒரு பதிவுக்கும் அடுத்த பதிவுக்கும் குறைந்த பட்ச கால இடைவெளி எவ்ளோங்க??? என்னைப் பொருத்த வரைக்கும் ஏதாவது ஒரு திரட்டில நம்ம பதிவு மொத பக்கத்துல வந்துட்டா.. அப்பா.. ஒலகமே நம்ம இடுகைய படிச்சுடுச்சுடா மக்கான்னு ஒரு சந்தோசம்..

அதாவது என்னுடைய கணக்குப்படி ஓட்டுகள்தான் அடுத்த பதிவ தீர்மானிக்குது..

யாரும் படிச்ச என்ன படிக்காடி என்னன்னு மவனே 2 ,3 தோணுனாலும் அடிச்சு ஆடிடலாமா???

*** தமிழ் மணம் **

நானெல்லாம் தமிழிஷ்ன்னு ஒன்னு ஒருக்குறதாலதான் கொஞ்சமாவது எழுதுறேன்.. டாக்டர் சுரேஷ்கிட்ட கடந்த ஆண்டு முதலே பொலம்பிக்கிட்டுத்தான் இருக்கேன்.. அதுல எப்புடி சேக்குறதுன்னு தெரியலன்னு..

கஷ்டப்பட்டு சேத்தாலும்.. ஒரு ஓட்டு கூட விழல.. ஏன்???

தமிழ்மணத்துல விருதுகள்ளாம் தர்றாங்க.. ஓட்டெல்லாம் போட்டாச்சு.. ஆனா அடுத்த வருஷம் நாமளும் வரணும்ல.. என்ன பண்றது..

***வயது***

இதுதாங்க ரொமப பெரிய தடை.. முக்கியமா பதிவர் சந்திப்புகள்னாலே பயமா இருக்கு.. அதுல இருக்குற எல்லார் மொகத்த பாத்தாலும்.. என்னதான் எழுத்துல கலாய்ச்சாலும்.. சில பேர் நாங்கள்ளாம் யூத்துன்னு சொல்லிக்கிட்டாலும்..

நாம ரொம்ப சின்ன பயலா இருப்போமோ,.. யாரும் மதிக்க மாட்டாங்களோன்னு ஒரு பயம்.. (வயசு 21 ஆனாலும்.. எது அந்த 20க்கு அப்புறம் வருமே அந்த 21ஆ கேட்டுடக் கூடாதில்ல..)அதான் சென்னைலயே இருந்தாலும் பதிவர்களிடம் போனில் கூட பேசியது இல்லை.. சந்திப்புகளுக்கும் போனதில்லை,.,. (ஜெட்லிகூட ஒட்டிக்கிட்டே போய் 2010ல எல்லாரையும் பாக்கலாம்ன்னு ஒரு திட்டம்.. என்ன ஜெட்லி போலாமா???)

**மேட்டர்**

பதிவுக்கானா மேட்டர்.. ரொம்ப ஆழமா ஒரே கருத்தா இருக்கனும்னு நெனப்பேன்.. நேரமிருந்தாலும் சில சமயம் இதெல்லாமா எழுதுவதுன்னு எழுதுவது இல்லை.. (சினிமாவ தவிர மிச்சதெல்லாம் கவனிக்கப் படுவதில்லையோன்ற ஒரு பயம்..)

ஆனா இப்போத்தான் குவியல்,அவியல்,காரச்சட்னின்னு எல்லா அண்ணன்மார்களும் ஏன் எழுதுறாங்கண்னு புரியுது..

நாமளும் அடுத்த வருஷம் முதல் தாக்கிடுவோம்.. ( நல்ல பெயர் சொல்பவர்களுக்கு “ஹண்டர்” பட யூட்யூப் லிங்க் இலவசமாக அனுப்பி வைக்கப்படும்...)

மனசுல உள்ளதெல்லாம் கொட்டியாச்சுங்க.. தேறுவேனான்னு சொல்லுங்க..

பின் குறிப்பு :

-

ரொம்ப ஆசைப்பட்டு துவங்கிய இரண்டு தொடர்கள் “சரவணன் முதல் சூர்யா வரை” மற்றும் ”எஞ்ஞனியா வா” .. 2010க்குள்ள அந்த சூர்யா கதையையும் .. இந்தத் தொடரையும் முடிச்சுர்றேங்க...

உன்னைப் போல் ஒருவன்

”உன்னைப் போல் ஒருவனை “ இரண்டு மாதம் கழித்து போஸ்ட் மார்ட்டம் செய்யும் பதிவல்ல இது..

கிட்டத்தட்ட நான்கு மாதம் கழித்து எழுதுகிறேன்...

ஒன்னுமே தெரியாம பதிவுலகுல வந்து.. கொஞ்சமே கொஞ்சமா சேர்த்தாலும் கெத்தா சில நண்பர்கள் சேர்த்து.. யாருமே படிக்கமாட்றாங்களேன்னு வருந்தி. சூர்யா கதைய எழுதி ரொம்ப கொஞ்சமா (என்ன தமிழ்..)சில நண்பர்கள் பிடிச்சு.. பதிவுலக மார்க்கெட்டிங் கற்றுக்கொண்டு.. யப்பா யப்பா... நெனச்சா ஒரு சினிமா பாடல் போன்ற உணர்வு... :-)

இஞ்ஞினியரிங் காலேஜ் மாணவனாக குப்பை கொட்டிக் கொண்டிருந்த நான்.. படித்து முடித்தது இந்த மே--யில்தான்... 3 மாசம்.. தெனற தெனற வேல தேடி.. கடைசில.. வேல கெடச்சது .. 3i-info tech என்னும் கம்பெனியில... மவனே software எழுதி கலக்க போறோம்டான்னு பாத்தா... என்னுடைய client office "MADRAS HIGH COURT" (சென்னை உயர் நீதி மன்றம்...) (வேலைய பத்தி .. இன்டர்வியூ போன கதைகள அப்புறம் பாப்போம்... எழுதலாமா வேணாமான்னு சொல்லுங்க..)

இப்போ ஆண்டவனோட அருளால வேலைக்கி போய்கிட்டு இருக்கேங்க.. ரெண்டரை மாசமா...

வேல தேடும் போது.. நம்ம தமிழ் நெஞ்சம் அண்ணன்கிட்ட.. சக்கர அண்ணங்கிட்டலாம் சொல்லி வெச்சிருந்தேன்...வேல தேடும் போது வேற எதும் கண்ணுல தெரியல.. காலேஜ் பையனா எத பத்தி கவலையும் இல்லாதப்ப இருந்த கற்பனை ஊற்று.. இந்தக் காலகட்டத்துல வத்திப்போச்சு.. என்னால புதுசா பதிவெல்லாம் எழுத முடியல..

வேலை கெடச்ச அப்புறமும்.. தமிழ் பதிவுலகம் என்னை சில சமயம் தேடும்.. என்னை மெயிலில் தொடர்பு கொண்ட அன்பர்களுக்கு நன்றி.. கடையாக சூர்யா கதைக்கு பின்னூட்டம் போட்ட நண்பருக்கும் இன்ன பிற உள்ளங்களுக்கும் நன்றி...

மாணவனாக இருந்த போது இருந்த வெறி இப்ப இல்ல.. அட என்னப்பா.. 5 மாசத்துக்குள்ள ரொம்ப ஸீன் போட்றன்னு கேட்டா நீங்க பெருசு... இந்த transition பத்தி நம்ம டாக்டர் சுரேஷ் தல விரிவா ஒரு பதிவு எனக்கும் டெடிக்கேட் பண்ணி போடுங்க...

எழுதனும்னு உணர்வு ஒரு மாசமா தோணுனாலும்.. என்ன எழுதறுதுன்னு தோணல... விமர்சனம் எழுதலாம்னு நெனச்சா. .. அவனவன் படம் ரிலிஸாகுறதுக்கு ஒரு வாரம் முன்னாடியே கலக்குறாய்ங்க.. சரி நடக்கட்டும்ன்னு வெயிட் பண்ணேன்...

பதிவுலகிலும் நிறைய மாற்றம்.. தொழில்நுட்ப ரீதியாக நிறய சந்தேகங்களை இந்த புது உலகம் எனக்கு தீர்த்தது.. ஒரு படம் ரிலீஸானால் அத பாக்குறதா வேணாமான்னு முடிவு பண்ண உதவியது..

நாமெல்லாம் ஏண்டா எழுதறோம்னு தோணவெச்ச பதிவுகள் நிறைய... நான் பின்னூட்டம் இடாம என்னால முடிஞ்ச அளவு எல்லாத்தையும் படித்துக் கொண்டு தான் இருந்தேன்...

அடுத்து ஏதாவது தோணும் போது எழுதுவோம்... (இதுவரை நடந்த சில முக்கியமான நிகழ்வுகளாஇ என் சக பதிவர்கள் யராவது பின்னூட்டமோ அல்லது பதிவோ போட்டு சொல்லவும்...)

என் ப்ளாக்கின் caption மாதிரி.. “யாருமே இல்லாத யாருக்கு நான் இப்ப டீ ஆத்துறேன்??? “

நீங்கள் போங்கு பதிவரா??

நீங்கள் போங்கு பதிவரா ?? கீழேயுள்ள கேள்விகளைப் படிக்கவும்

(ஆம் / இல்லை மட்டுந்தான் அலோவ்டு.. )

1 -- > எல்லோரும் பின்னூட்டம் இடுகிறோம். அதுல இது வரைக்கும் யாரோ ஒருத்தர் பண்ண தப்ப.. “நீங்க தப்பு பண்ணி இருக்கீங்கன்னு “ சொல்லி இருக்கீங்களா??

2--> உங்களுக்கு புடிக்காத விஷயங்களை பதிவிட்டிருந்தா புடிக்கலைன்னு பாலிஷா இல்லாம நேரடியா சொல்லி இருக்கீங்களா??

3--> உங்களுக்கு பிடித்த ஒருவரின் இடுகையை உங்கள் நண்பர்களையும் படிக்க சொல்லி இருக்கிறீர்களா??

4--> அனானி கமெண்டுகளை மதித்து .. அதற்கு பின்னூட்டம் போட்டாக் கூட பரவாயில்லை ஆனா தனி பதிவே போடுவீர்களா??

5--> ஒன்னுமே படிக்காம

அருமை

:-)

மிக நல்ல பதிவு

கலக்குங்க etc etc...

இந்த மாதிரி டெம்ப்ளேட் பின்னூட்டம் போடுவீங்களா???

6--> மெயிலில் வந்த புகைப்படங்களை நீங்க எடுத்ததுன்னு போஸ்டா போட்டு இருக்கீங்களா???

7--> வேற வேற பேர்ல உங்களுக்கு நீங்களே அனானி கமெண்ட்ஸ்.. திரட்டிகளில் ஓட்டும் போட்டு இருக்கீங்களா???

டிஸ்கி

1.2.3 க்கு இல்லை ந்னும்

4,5,6,7, ஆமான்னும் பதில் சொல்லி இருந்தா நீங்கதான் போங்கு பதிவர் ...

இது யாருக்கும் சொல்றதுக்கு இல்ல.. உங்களுக்கு நீங்களே சரி பார்த்துக் கொள்ளுங்கள்:-)

இவ்ளோ தூரம் வந்துப்புட்டு.. ஓட்டும் பின்னூட்டமும் போடாம போனா அதவிட பெரிய போங்கு இருக்கா??? :-)

தமிழர்ஸ் ஓனர் யாரு??

அர்ஜூன் அம்மா யாருன்ற மாதிரி...

இப்போவெல்லாம் இந்தத் திரட்டி இவக நடத்துறாக...

அந்தத் திரட்டி அவக நடத்துறாகன்னு கெளப்பிவிடுறதுதான் fashion ...

எல்ல தளத்த பத்தியும் பிரிச்சு மேய்ஞ்சாச்சு.... அதனால என் பங்குக்கு புது தளமான தமிழர்ஸ் மேலுள்ள சந்தேகங்கள சொல்லிட்றேன்...

 சந்தேகம் நெம்பர் ஒன்னு --> டாக்டர் சுரேஷ்

ஒழுங்கா டாக்டர் தொழில் பாத்துட்டுருந்த இவரு .. ஏண்டா பவித்ராவின் காதல்.. சின்ன வீட்டின் பாடம்ன்னு டார்ச்சர பண்றாருன்னு ரொம்ப நாளாவே ஒரு சந்தேகம்,,,,

ஒரு வேள .. அமைதியா பதிவர் மாதிரி நடிச்சுக்கிட்டு.. பாட்ஷா படம் மாதிரி.. “நான் யாருன்னா...” அப்டீன்னு சொல்வாரோன்னு ஒரு சந்தேகம்...

(பாட்ஷா... டாடட்டடாடடன்..)

 சந்தேகம் நெம்பர் ரெண்டு--> சக்கர சுரேஷ்

அண்ணி ஊருக்கு போயிட்டதால பதிவெழுத ஆரம்பிச்சேன்னு இவரு சொன்னப்பியே ஒரு டவுட்டு.... ஏன்யா.. அண்ணி ஊர்ல இல்லாட்டி சும்மா சமைச்சுட்டு தூங்க வேண்டியதுதானே????  இந்த ஒரு காரணமே இவர் மேலுள்ள சந்தேகத்தை உறுதிப்படுத்துகிறடுது.

(சக்கர இனிக்கிற சக்கர..)

 சந்தேகம் நெம்பர் மூனு -->  லோகு

நல்லா எழுதிட்டு இருந்த பையன்...திடீர்னு காணாமப் போயிட்டான்... அடிக்கடி டெம்ப்ளேட் மாற்றி அவனுடைய டக்னிக்கல் நாலேட்ஜும் காமிக்கிறான்... ஒரு வேள இவனா இருக்குமோ ???

(ஜன கன மன..)

 

சந்தேகம் நெம்பர் நாலு--> தமிழ் நெஞ்சம்

யப்பா.. இவரு டெக்னிக்கல் புலி... மொதல்ல இருந்தே இவருடைய பதிவுகள் தமிழர்ஸ்ல வந்துக்கிட்டு இருக்கு,,, ஏன்??? அட யாருமே சேராதப்ப கூட இவருடைய பதிவு இருந்துச்சுங்க... இவர்தான்னு 90% கன்ஃபார்ம் பண்ணிட்டேன்.. ஆனா ஏற்கனவே தமிழிஷ்,தமிழ் 10 இதுக்கெல்லாம் இவர்தான் ஓனரோன்ற சந்தேகம் இருக்குறதால இவர உட்ருவோம்...  (benefit of the doubt always given to the accuset)ஸ்பெல்லிங் தெர்லபா...

 சந்தேகம் நெம்பர் 5--> kricons

இதுவும் ஒரு டெக்னிக்கல் புலி... திடீர்னு வந்து புயல் மாதிரி எழுதிக்கிட்டு இருந்த இந்த புலி., திடீர்ன்னு காணாம போயிடுச்சு.. 

கடந்த 3 வாரமா இவரு எழுதல... நல்லா நோட் பண்ணுங்க.. தமிழர்ஸ் ஆரம்பிச்சு 2 வாரம்தான் ஆகுது..  

இவர்தான்.. இவரேதான்..

 சந்தேகம் நெம்பர் 6--> இராகவன் நைஜிரியா

இருமல் தாத்தா “லொக்கு லொக்கு”ன்னு இருமுற மாதிரி இவர் அடிக்கடி.. எனக்கு டெக்னிகலா எதுவும் தெரியாது ..டெக்னிகலா எதுவும் தெரியாது ..ன்னு சொல்லும் போதே சந்தேகம்...

இவர்தானோ ????

 சந்தேகம் நெம்பர் 7--> பார்த்தது கேட்டதும் சித்து ,ஜெட்லி

திடீரென முழைத்துள்ள டெம்ப்ளேட் மாற்றங்கள்... 

திடீரென முழைத்துள்ள ப்ளாக்குகளின் மேல் இவர்களின் அதீத காதல் ....

இள ரத்தம் வேற... இவங்கதானோ???

(அடப்பாவி.. தொடர் பதிவுன்னாலே என்னன்னு நீதானடா சொல்லி குடுத்தன்னு அவங்க ஃபீல் பண்றது புரியுது.. ஆனா கடமைன்னு வந்துட்டா.. யாருன்னு பாக்க மாட்டான் இந்தக் கடைக்குட்டி)

 சந்தேகம் நெம்பர் 8-->  ப்ரியமுடன் வஸந்த்

இந்தவார தமிழன்னு மொத மொத அறிமுகப் படுத்துவாங்களாம்...

அதுல இப்போதான் எழுத வந்த வஸ்ந்த்த கூப்புடுவாங்களாம்... வஸந்த் அண்ணாவுக்கு பொண்ணு பாக்குறாக... பொண்ணு வீட்டுல நாந்தான் கெத்துன்னு சொல்றதுக்காக எல்லா தளத்துலயும் அவர் படத்த வர வெச்சுட்டாரு.. 

(அண்ணா.. மாட்னீங்களா????)

 சந்தேகம் நெம்பர் 9--> வணங்காமுடி

அக்டோபர்ல எழுத வந்துட்டு திடீர்னு காணாம போயிட்டு.. இப்போ திடீர்ர்னு திரும்பி வந்து இருக்காரு.. இவரோ ???

(’நான் இல்ல’ன்ற மாதிரியே பாக்குறாரு )

 சந்தேகம் நெம்பர் 10--> கடைக்குட்டி

கம்ப்யூட்டர் எஞ்சினியர்.

புதுசா ஏதாவது செய்யுறதுல ஆர்வம்...

காசு பாக்கனும்ன்னு வேற எண்ணம்....

அட நானாக்கூட இருக்கலாமோ ???

(இதுதான உன் ஆசை.. இப்போ சந்தோசமா??)

டிஸ்கி 

வாலு , கார்க்கி, தாமிரா போன்ற மூத்த பதிவர்கள் கோச்சுக்க கூடாது.... 

உண்மையான ஓனரே...

உங்க பேர நான் மறந்து இருந்தா.....

நீங்களே வந்து சரண்டர் ஆயிடுங்க... பின்னூட்டத்துல ... :-)

சுஜாதாவும் -- தமிழர்ஸ்.காமும்

சுஜாதா ஒரு முறை சொல்லியுள்ளார்...

“கலைஞனும் எழுத்தாளனும் ஒரு அம்பை எய்கின்றனர். அது எப்போது எப்படி அடுத்தவரைத் தாக்கும் என்பது தெரியாது...”

 கமல் என்னைக்கோ நடிச்ச நாயகன் படம் இன்னைக்கு டி.வி.ல பாக்குற 10 வயசு பையனை பாதிக்கும்..  சுஜாதாவோட நைலான் கயிறு இன்னைக்கு புதுசா படிக்கிறவங்களையும் ஏதோ ஒரு வகையில ஈர்க்கும்...

 அந்த வகையில இதுவரைக்கும் நான் எழுதுன ஏதாவது ஈர்த்ததோ அல்லது இனிமேயாவது ஒழுங்கா எழுதுடா மக்கான்னு சொல்லவோ நம்மையும் இந்த வார தமிழரா தேர்ந்தெடுத்து இருக்காங்க தமிழர்ஸ்.காம் . அப்டீன்ற செய்தி ஏதோ ஒரு ஃபீலிங்கா இருந்துச்சு..

(நம்மள மொத மொத மதிச்சு இருக்காங்களே .. அதனால)

அவங்களுக்கு நன்றி. 

இப்புடி ஒரே வார்த்தைல சொல்லாம ஒரு பத்தியாவது அவங்க பத்தி சொல்லனும்னு நெனக்கிறேன்.

ஆரம்பிச்சு 2 வாரத்துக்குள்ள நல்ல தரமான ஒரு திரட்டினு பதிவர்கள் மத்தியில பேர் எடுத்து இருக்கு.

5-8 வோட்டுக்கள் பெற்றாலே முதல் பக்கத்திற்க்கு அனுப்பி விடுகிறது.  என் நண்பர்கள் தளத்திலும் பார்வையிட்டேன்.. அவர்களுக்கு தமிழர்சால் கிடைத்த ஹிட்ஸ் நல்லாவே இருந்தது. தனிப்பட்ட முறையில் நம்ம கடைக்கும் வாடிக்கையாளர்கள சேத்ததுல அவங்களுக்கு(ம்) பங்கு உண்டு.

இப்போ அட்வைஸ்

 * நீங்களும் பிற திரட்டிகள பின் பற்றாதீர்கள்.

 * புதுசா ஏதாவது தோணுதா..??கண்டிப்ப செய்ங்க.. ஆதரிக்கவும் குட்டி முன்னேற்றவும் நாங்க இருக்கோம்.

*இதோ.. இந்த வாரத் தமிழர் மாதிரி.. இன்னும் நெறய நெறய எதிர்பாக்குறோம்.

யோசிச்சு செய்ங்க..

(பத்த வெச்சுட்டியே பரட்ட.... :-)

இந்த வார்த் தமிழர்ன்னு அவங்க போடுறதுல அவங்க சைட்டு பக்கம் மக்கள திருப்புனாலும்.. அது மூலயமா நம்ம கடைக்கும் ஆள் சேக்குறாங்க... நண்பர்களின் நண்பர்களின் நண்பர்களை வர வைக்கும் முயற்சி. 

* இன்னைக்குத்தான் பாத்தேன் சிறந்த வலைப்பூக்கள்ன்னு இன்னோன்னு.. இதுலயும் ரிஜிஸ்டர் பண்ணுங்க... நல்லா இருக்கு...

இங்கு க்ளிக்கி பார்க்கவும்

“இம்புட்டு செய்யுறதும்..மாஞ்சு மாஞ்சு எழுதுறதும்.... ‘நல்ல இருக்குடா’ன்னு உண்மையா ரசிச்சு சொல்ற ரெண்டு வார்த்தக்குத்தான்.

அப்பிடி நெறயா ரெண்டு வார்த்தைகளைத் தரப்போற தமிழர்ஸின் இந்த முயற்சிக்கு ஒரு ஸலாம்.

இப்போ என் படத்தைப் பற்றி... வலையுலகில் வந்தது முதலே முக்கால்வாசி அண்ணாச்சிகள் வயதைச் சொல்வதற்க்கு தயங்கினர்.. நாங்களும் சின்ன பையந்தான்பா சொல்லிகினாங்க.. அவங்க சின்ன பசங்கனா நாங்களாம் இன்னும் பொறக்கவே இல்லியா?? 

21 வயதே நிறம்பிய வாலிபனின் படத்தை (கடைக்குட்டியாக இருந்தாலும்)  எப்பிடி வெளியிடுவது என்றிருந்தேன். (லேடி ஃபேன்ஸ் தொல்ல ஜாஸ்தி ஆய்டும் யூ நோ??)

தனிப்பட்ட முறையில் யாரிடமும் வழிஞ்சு பேசாமல்.காக்கா புடிக்காமல் இவன் என்னமாவது கிறுக்கி இருப்பான்பான்னு நெனக்கிற அளவுக்கு ஒரு நண்பர்கள் கூட்டம் கெடக்குற வரைக்கும் என் முகத்தைக் காட்டக் கூடாதுன்னு நெனச்சேன்..

இப்போ நெனச்சத அடஞ்சுட்டேன்னு நெனக்குறேன்.... 

அதனால பிடியுங்கள் ”கடைக்குட்டி” அராஃபத்-ன் தரிசனம்.

பதிவர்கள் நல்லவர்களா??

நீங்க நல்ல பதிவரா?? கெட்ட பதிவரா?? (நாயகன் ஸ்டைல்ல படிக்கவும் ((அட நம்ம ஜே.கே. அண்ணனின் நாயகன் இல்லைப்பா..)படம் சும்மாப்பா..)

தெரிஞ்சுக்கணுமா??? அடுத்த பத்திய முழுசா படிச்சுட்டு (ஒரு முறை மட்டும்)  அதுக்கடுத்து  வரும் கேள்விக்கு விடையளிக்க...)

டெஸ்ட் ஸ்டார்ட்ஸ்... 

(மஞ்சளில் இருக்கும்வார்த்தைகளை நோட் செய்க)

 “அவன் அந்தத் தெருவில் வலப்புறம் திரும்பி, பின் செல்லும் வழியில் கொள்ளை கொள்ளும் அழகை கொல்லையில் நின்று பார்க்க.. “எந்தக் கொல்லைல போறவனோ பாத்துட்டான்னு” அவ கத்த... அவன் பதறி சிதறி ஓடினால் டி.வி.யில். ஒபாமா.. “i need CHANGE” என்று கேட்டது கலைஞர் அல்ல பக்கத்தில் 100 ரூபாய் நோட்டுடன் ஒருவன்.. கடன்காரர்களை சமாளிக்க சமோசா சாப்பிட்ட அவன் ஆஸ்பத்திரியில் நித்திரை கொள்ளும் வரை 

விடாது கருப்பு

ஓயாது அலை “

படிச்சாச்சா?? திருப்பி படிக்காதீங்க.. கேள்விக்கு போங்க..

1--> இன்னைக்கு எழுத மேட்டரே இல்லாததால நம்ம அண்ணன் ஜே.கே ரித்தீஷ் எம்.பி. அவர்களின் படத்தை மட்டும் போட்டு கைக்கு வந்ததை டைப்பி, பாருங்க மக்கான்னு நான் கூப்பிட்ட ஒரே காரணத்துக்காக வந்திருக்கீக....

நீங்கதாங்க நல்லவரு.. நாலும் தெரிஞ்சவரு..

 (இதுக்கு ஓட்டு போட்டு அடுத்தவரை காய உட்றது உங்க இஷ்டம் :-)

செல்வேந்திரன் வந்தாரு எங்க வூட்டு டி.வி.ல

நம்ம பதிவர் செல்வேந்திரன் வந்தாருங்க விஜய் டி.வி.யின். நீயா?நானா?வில்....
எனக்கு பாத்ததும் அவர்தானோன்னு ஒரு டவுட்டு.. இருந்தாலும் கன்ஃபார்ம் பண்ணிக்க இங்க வந்து வலையில் பாத்தா.. அதே சிரிப்பு.. ஆம. அவ்ரே தான்...

அவருடைய கவிதை ஆனந்த விகடனில் வந்ததாக கோபிநாத் சொன்னார்.. நானும் ஒன்னு ரெண்டு பின்னூட்டம் போட்டு இருக்கேன் அவ்ளோதான் அவருக்கும் நமக்கும். இதுவரைக்கும் எந்த வலைப் பதிவரையும் நான் நேரில் சந்திச்சு பேசியதில்லை... செல்வேந்திரன் அவர்களைத்தான் நான் முதன்முதலாக டி.வி.யில் பார்த்துள்ளேன்...

இவங்கள்ளாம் எழுதும் வலையுலகில் நானும் டீ ஆத்துவது எனக்குப் பெருமையே...

அப்புறம் இன்னொரு விஷயம்.. இப்போதான் அவருடைய தளத்துல அவரு நீயா நானா பத்தி சொல்லியத பாத்தேன்.. ஆஹா.. சொன்னா மாதிரியே மனுஷனுக்கு ஒரே உதரல்... ஆனா “எல்லாத்தடியும் உடச்சு பாத்துட்டே இருந்தா குடும்பத்துல சந்தோசம் நிலைக்குமான்னு “ அவர் சொன்னது ஒரு வாசகமானாலும் திருவாசகம்.

தமிழ் வலையுலகம் அடுத்த நிலைக்குப் போகிறது என்பதற்கான சான்று இது.. அந்த சந்தோசத்தை பகிரவே இந்தப் பதிவு...

செல்வேந்திரன் அண்ணனுக்கு வாழ்த்துக்கள்...

நீங்களும் அவருடைய தளத்துலேயே சொல்லிடுங்க!!!