நாங்கள்ளாம் அந்தக் காலத்துல...

இந்த வார்த்தைய கேக்காம வளர்ந்த தலைமுறை இருக்க முடியாது.. எப்படிப்பட்ட தலைமுறையினரிடமும் முந்திய தலைமுறை சொல்லும் ஸ்லோகன் இது...

இதே ஸ்லோகன இந்த தலைமுறை வயசானதும் எப்படி உபயோகிக்கும்...??

******************

டீச்சர் : நாங்கள்ளாம் அந்தக் காலத்துல காலெஜ் போயித்தான் கட் அடிப்போம்..

இந்தக் காலத்து பசங்க “வெப் கேம” ஆஃப் பண்ணியே எங்கள கட்

பண்றாய்ங்களே...

******************

அப்பா : நாங்கள்ளாம் அந்தக் காலத்துல WWF,RAW அப்டி டி.வி. கேம்ஸ்தான்

ஆடுவோம்... நீ அந்த ரோஸிய விட்டு நகர மாட்றியேடா.. (ரோஸி

அவர்கள் வளர்க்கும் செல்ல ரோபோ..)

******************

2049 டிசம்பரில் ...

பேரன் : பாட்டி சோறுன்னா என்ன பாட்டி ???

பாட்டி : நான் குழந்தையா இருக்கரச்சே அதான் கண்ணா சாப்டேன்,,,

பேரன் : ஓ.. சோறுன்றது சாப்புட்ற பண்டமா ???

******************

கீக்கீங்....கீக்கீங்.... --- “message received "

"i gt married 2 years bak.. sry ya.. no time.. forgt 2 say..hop u r aliv ..tc bye"

மகன் தந்தைக்காற்றும் மெசேஜ்...

*******************

மிஸ்டர்.பொதுஜனம் : அந்தக் காலத்துல நாங்கள்லாம் தியேட்டர் போயித்தான்

படம் பாப்போம்.. இப்ப என்னடான்னா அவனவனுக்கு

புடிச்ச நேரத்துல அவனவன் வீட்லயே படம் ரிலீஸ்

ஆகுது...

********************

2055 தாத்தாக்கள் : நாங்கள்ளாம் அந்தக் காலத்துல ஒரு “பொண்ணத்தான்” சைட்

அடிப்போம் .. கல்யாணம் பண்ணிப்போம்.. .. இப்ப

என்னடான்னா ...,,,

*********************

(இதோடு பதிவு முடிந்தது.. டிஸ்கி மொக்கைகளை வெட்டிகள் மட்டும் படிக்கவும்..)

டிஸ்கி

இது ஒரு “சரியான” நாள்ங்க..

ஏன்னு கேக்குறவங்க மேலும் படிக்க...

வழக்கத்துக்கு மாறா இன்னைக்கு ஆபீஸ் .. சரின்னு போனா ஒருத்தரும் வரல.. வழக்கத்துக்கு மாறா சரி இன்னைக்கு வேலைதான இல்லா.. சரி.. ஆபிஸ்லயே எதாவது படிக்கலாம்னு நெனச்ச்சா.. என்னோட சிஸ்டம் பூட் ஆகல.. அந்த சிஸ்டத்த சரி பண்லாம்னு உக்காந்தா.. ஒ.எஸ். (இயங்குதளம்) காலி.. அதுக்கு சி.டி. இல்ல..

செம காண்டாயிடுச்சு.. சரின்னு சாப்ட கேண்டீன் போனா சாப்பாடு காலி... சோறில்ல.. வெளில போய் சாப்டுட்டு.. வேற சிஸ்டம்ல சரி இன்னைக்கி பதிவாவது போடுவோம்னு பாத்தா.. NHM இல்ல... அத download ன்னு அமுக்கம்போது கரெண்ட் காலி.. upsலயும் பவர் இல்ல.....

காண்டாயி வீட்டுக்குவந்து .. அடப் போங்கடா. பதிவாவது ஒன்னாவதுன்னு.. புக் படிச்சேன்.. அதுல பருத்தி வீரன் படம் கலைஞர்லன்னு போட்டு இருந்தது.. சரி பாப்போம்ன்னு போட்டா.. டி.வி. எல்லாம் புள்ளி புள்ளியா வந்துச்சு... என்னடான்னு இன்னோரு ரூம்ல இருக்குற டி.விய போட்டா அங்கயும் அதே கதை... கேபிள் டி.விக்கு போன் போட்டா.. போன் போகல.. போன்ல காசில்ல.. சரின்னு கீழ ஓடிபோய் போன்ல காசு போட்டா.. போன் ஆஃப் அயிடுச்சு.. காலைலேர்ந்து சும்மா சுத்திக்கிட்டு இருக்குறதால... சார்ஜ் இல்ல..

சரி பாதி தூரம் வந்துட்டோம்.. முழுதூரமும் போய் கேபிள் ஆபரேட்டர்டயே சொல்லிடலாம்ன்னு போய் சொன்னா.. அவர் ஏதோ கனெக்‌ஷன் இல்லன்னு சொல்லி தேடிட்டு இருக்குறாரு.. டி.வி. நாளைக்குத்தான்...

இவ்ளோ கொடுமைக்கு அப்புறமும்.. சரின்னு கம்ப்யூட்டர் போட்டேன்.. (போடும் போதே உள்ள ஒரே அல்லு...) ஒழுங்கா பூட் ஆயிடுச்சு.. கரெண்டும் போகல... கிபோர்ட் மவுஸ் எல்லாம் ஒர்க் ஆச்சு...

ஹையா ... சரி.. எல்லாம் சரியாயிடுச்சுன்னு சுறுசுறுப்பா bloger உள்ள வந்து.. திருப்பியும் கரெண்ட் போகுதான்னு பாத்து.. ஒன்னும் போகல.. சரின்னு டைப் பண்ண நெனச்சா...

அடப்பாவிகளா... என்ன பதிவுக்கான மேட்டர்னே மறந்து போச்சு இந்த

நொள்ளைல.... :-)

சத்தியமா செம காண்டாயிடுச்சு.. ஏதாவது எழுதியே ஆகனும்டா மவனேன்னு உண்மைலேயே உக்காந்து யோசிச்சு எழுதுனேன்...

வடிவேலு பாணில சொன்னா..

”எல்லாமே கடுப்பேத்துது மை லார்ட்...”

உன்னைப் போல் ஒருவன்

”உன்னைப் போல் ஒருவனை “ இரண்டு மாதம் கழித்து போஸ்ட் மார்ட்டம் செய்யும் பதிவல்ல இது..

கிட்டத்தட்ட நான்கு மாதம் கழித்து எழுதுகிறேன்...

ஒன்னுமே தெரியாம பதிவுலகுல வந்து.. கொஞ்சமே கொஞ்சமா சேர்த்தாலும் கெத்தா சில நண்பர்கள் சேர்த்து.. யாருமே படிக்கமாட்றாங்களேன்னு வருந்தி. சூர்யா கதைய எழுதி ரொம்ப கொஞ்சமா (என்ன தமிழ்..)சில நண்பர்கள் பிடிச்சு.. பதிவுலக மார்க்கெட்டிங் கற்றுக்கொண்டு.. யப்பா யப்பா... நெனச்சா ஒரு சினிமா பாடல் போன்ற உணர்வு... :-)

இஞ்ஞினியரிங் காலேஜ் மாணவனாக குப்பை கொட்டிக் கொண்டிருந்த நான்.. படித்து முடித்தது இந்த மே--யில்தான்... 3 மாசம்.. தெனற தெனற வேல தேடி.. கடைசில.. வேல கெடச்சது .. 3i-info tech என்னும் கம்பெனியில... மவனே software எழுதி கலக்க போறோம்டான்னு பாத்தா... என்னுடைய client office "MADRAS HIGH COURT" (சென்னை உயர் நீதி மன்றம்...) (வேலைய பத்தி .. இன்டர்வியூ போன கதைகள அப்புறம் பாப்போம்... எழுதலாமா வேணாமான்னு சொல்லுங்க..)

இப்போ ஆண்டவனோட அருளால வேலைக்கி போய்கிட்டு இருக்கேங்க.. ரெண்டரை மாசமா...

வேல தேடும் போது.. நம்ம தமிழ் நெஞ்சம் அண்ணன்கிட்ட.. சக்கர அண்ணங்கிட்டலாம் சொல்லி வெச்சிருந்தேன்...வேல தேடும் போது வேற எதும் கண்ணுல தெரியல.. காலேஜ் பையனா எத பத்தி கவலையும் இல்லாதப்ப இருந்த கற்பனை ஊற்று.. இந்தக் காலகட்டத்துல வத்திப்போச்சு.. என்னால புதுசா பதிவெல்லாம் எழுத முடியல..

வேலை கெடச்ச அப்புறமும்.. தமிழ் பதிவுலகம் என்னை சில சமயம் தேடும்.. என்னை மெயிலில் தொடர்பு கொண்ட அன்பர்களுக்கு நன்றி.. கடையாக சூர்யா கதைக்கு பின்னூட்டம் போட்ட நண்பருக்கும் இன்ன பிற உள்ளங்களுக்கும் நன்றி...

மாணவனாக இருந்த போது இருந்த வெறி இப்ப இல்ல.. அட என்னப்பா.. 5 மாசத்துக்குள்ள ரொம்ப ஸீன் போட்றன்னு கேட்டா நீங்க பெருசு... இந்த transition பத்தி நம்ம டாக்டர் சுரேஷ் தல விரிவா ஒரு பதிவு எனக்கும் டெடிக்கேட் பண்ணி போடுங்க...

எழுதனும்னு உணர்வு ஒரு மாசமா தோணுனாலும்.. என்ன எழுதறுதுன்னு தோணல... விமர்சனம் எழுதலாம்னு நெனச்சா. .. அவனவன் படம் ரிலிஸாகுறதுக்கு ஒரு வாரம் முன்னாடியே கலக்குறாய்ங்க.. சரி நடக்கட்டும்ன்னு வெயிட் பண்ணேன்...

பதிவுலகிலும் நிறைய மாற்றம்.. தொழில்நுட்ப ரீதியாக நிறய சந்தேகங்களை இந்த புது உலகம் எனக்கு தீர்த்தது.. ஒரு படம் ரிலீஸானால் அத பாக்குறதா வேணாமான்னு முடிவு பண்ண உதவியது..

நாமெல்லாம் ஏண்டா எழுதறோம்னு தோணவெச்ச பதிவுகள் நிறைய... நான் பின்னூட்டம் இடாம என்னால முடிஞ்ச அளவு எல்லாத்தையும் படித்துக் கொண்டு தான் இருந்தேன்...

அடுத்து ஏதாவது தோணும் போது எழுதுவோம்... (இதுவரை நடந்த சில முக்கியமான நிகழ்வுகளாஇ என் சக பதிவர்கள் யராவது பின்னூட்டமோ அல்லது பதிவோ போட்டு சொல்லவும்...)

என் ப்ளாக்கின் caption மாதிரி.. “யாருமே இல்லாத யாருக்கு நான் இப்ப டீ ஆத்துறேன்??? “

விஜய் டி.வி.யில் ராத்திரி ஒரு மணிக்கு

என்னத்த சொல்றது...?? ஒரு ஒருவாரம் முன்னாடி தூக்கம் வரல.. செரி டி.வி. பாக்கலாம்னு போட்டா.. ஆதித்யால வழக்கம் போல கவுண்டம்ணி செந்திலை அடிக்கும் காமெடியை 

போட்டுக்கொண்டிருந்தனர்.. என்னாத்த பண்றதுன்னு .. சிரிப்பொலி பக்கம் போனா.. அங்க பாட்டு ஓடிட்டு இருக்கு, (இது 24 மணிநேர சிரிப்பு சானல் இல்லியோ????) 

(மிட்நைட் மாசாலா மாதிரி மேட்டர தேடி வந்து இருந்தா இப்போவே ஓட்டுப் போட்டுட்டு போயிடுங்க.. :-)  )

விஜய் டி.வி. பக்கம் போனா பதிவுக்கான மேட்டர் மாட்டியது.. ஒருத்தர் நேமாலஜி பத்தி சொல்லிக்கிட்டு இருந்தார்... ;இத பத்தி என்னடா எழுதுறது.. எல்லா இடத்துலயும் 

நடக்குறதுதானேன்னு விட்டுட்டேன்... ( அவர் அமெரிக்காவுல நேமாலஜி படிச்சவராம்.. இந்த அன்பரை பாராட்டி பேச வந்த (சங்கர்)கணேஷ் அவர்களின் பேச்சை போடாமலேயே இருந்துருக்கலாம்.. 

(”நான் 1006 படங்களுக்கு இசையமைச்சு இருக்கேன்,,, எல்லா நடிகைகளோடும் டூயட் பாடி இருக்கேன்.. அதனால நீங்க இவர்கிட்ட வந்து பேர மாத்திக்கங்க...”) இந்தமாதிரி

அவ்ளோ சொதப்பல்...)  அடுத்து வந்த நிகழ்ச்சிதான் கண்ணுல இருந்த கொஞ்ச நஞ்ச தூக்கத்தையும் காலி பண்ணிடுச்சு...

“சிதம்பர ரகசியம்”ன்னு சொல்லுவாங்கள்ல... அந்த ரகசியம் ஒருத்தருக்கு தெரியுமாம்... ஸாஃப்ட்வேர் சித்த வைத்தியர் என்று பெயர் வேறு... 

கோட்டு போட்டு,.. ஐ.டி.கார்டு மாட்டிக்கிட்டு அவர் பேசியது அலம்பலின் உச்சம்... “சித்தர்களின் சிதம்பர ரகசியம் அவருக்குத் தெரியுமாம்.. ஆனா அதை 

சொல்ல மாட்டாராம் (என்னங்கடா.. விசயாகாந்த்தோட தேர்தல் அறிக்கையை போல பெரிய மேட்டரோ ??) அதை அப்படியே தரவும் முடியாதாம்.. 

மருந்து வழியா தர வழியில்லாததால்,,,  அத ஒரு சிப்ல போட்டுட்டாங்களாம்... அந்த எலக்ட்ரானிக் சிப்ல இந்த சிதம்பர ரகசிய மேட்டர்  உள்ள ஸாஃப்ட்வேர 

லோட் பண்ணிட்டாங்களாம்..  அந்த ஸாஃப்ட்வேர் இருக்குற எல்லா வியாதியையும் குணமாக்கிடுமாம்.(வைரஸ் மட்டும்தான் குணமாகுமா?? அப்போ பாக்டீரியா என்ன ஆகும்ன்னு  கேக்கக் கூடாது...)

அவங்களோட சைட் அட்ரஸ் போட்டாங்க.. நோட் பண்ண மறந்துட்டேன்.. அடுத்த முறை பாத்ததும் இங்க போட்டுட்றேன்..  நேமாலஜி,இந்த-ஆலஜி,அந்த-ஆலஜி,....

இப்படி எவ்ளவோ இருந்தாலும் .. (நான் அதை நம்பாட்டியும்..) அடுத்தவங்க நம்பிக்கையை கேலி பண்ணக் கூடாதுன்னு அத பத்தி பேசக் கூட மாட்டேன்.. ஆனா இதயெல்லாம் நம்புறதா??

இப்படி ஏமாத்துனா?????????

அடப்போங்கடா... இதப்பத்தி யோசிசா அப்புறம் எப்படி தூங்குறது...????????

உங்களுக்கு புடிச்சா ஓட்டுப் போடுங்க.. புடிக்காட்டியும் ஓட்டுப் போடுங்க..

நீங்க படிச்சா மட்டும் போதும்..நீங்க படிச்சா மட்டும் போதும்..

       

தமிழ் சினிமாவில் இதற்கு என்ன அர்த்தம்???

பல படங்கள் பார்க்கும் போது.. (யாருபா அது பலான படம்ன்னு படிக்கிறது..) ஏற்பட்ட சந்தேகங்களின் தொகுப்பு. (முழுக்க முழுக்க என் சந்தேகங்கள்.. எங்கயும் சுடலபா...!!)

சிவாஜி  

தலைவர் கல்வித்தந்தையாக கலாசிய படம்.. இதில் இண்டெர்வெலுக்கு முன்னாடி வரும் ஒரு சீனில் ஒரு குழந்தை தொழிலாளிகரெண்ட் ஷாக் அடித்து இறக்கும் நிலைக்கு போக .. ரகுவரன் காப்பாற்றுவார்.. அதுக்கு என்னடா இப்போ?? அப்டீன்றீங்களா??? … ஆனா..இண்டெர்வெலுக்கு அப்புறம் தலைவர் ஒரு பஜ்ஜி கடையில ஆதிய மிரட்டுவார்… இந்த கடையில ஒரு சின்ன பையன் டீ எடுத்துட்டு வந்துவெப்பான்.. தலைவர் ”நன்றி தலைவா” அப்டீன்னு சொல்லுவார்.. கல்வித்தந்தை காரெக்டருக்கு இது அழகா???இந்த இடத்துல அவர் தட்டி கேட்ருக்க வேணாமோ ???

காக்க காக்க

அன்புச் செல்வனை பழிவாங்க பாண்டியா , மாயாவை கடத்திக் கொண்டு போய்விடுவான்.. அதே சமயம் ஸ்ரீகாந்தின் மனைவியும்பாண்டியாவின் வசம் இருப்பாள்..அவர்கள் இருவரையும் சம்பல் சீமா என்னும் இடத்திற்க்கு வர சொல்லிவிடுவான்.. போலீசார் அங்கு செல்வர்.அங்கே ரெண்டு மரப் பெட்டியில் அன்பு செல்வன் என்றும் ..ஸ்ரீகாந்த் என்றும் எழுதி தனித்தனியாக வைக்கப்பட்டு இருக்கும்.. ஸ்ரீகாந்திற்க்கு வந்தபெட்டியில் அவனது மனைவியின் தலை இருக்கும்.. அன்பு செல்வனுக்கு வந்த பெட்டியில் என்ன இருக்கும்????? ஒன்னுமே இல்லாட்டி..அதற்கு முந்தய சீனில் ஜோவின் கைகளை பாண்டியா பிடித்து ஏதோ செய்வது போல இருக்கும்.. பாண்டியா என்ன அனுப்பினான்?? ஒன்னுமேஅனுப்பலனா இந்த சீன் எதுக்கு??

மன்மதன் 

  ’மன்மதன்’ சிம்புவுக்கு மூக்குல ரத்தம் வரும்.. ஏன்?? பெண்களை கட்டி பிடித்தால் ரத்தம் வருமா?? அவர் தம்பி மொட்ட மதனின் காலை கட்டிப் பிடிக்கும் போதுதான் முதலில் ரத்தம் வரும்.. அவர் ஆம்பிளையாச்சே…. கொல பண்ண போறோம் அப்படீன்னு நெனச்சா ரத்தம் வருமா?? அப்போ கடைசில ஜோ வ கட்டி பிடிக்கும் போது ஏன் ரத்தம் வருது???

காதல் கொண்டேன்

தனுஷ் , சோனியா அகர்வாலுடன் காட்டில் தங்கி இருக்கும் போது அங்கு அரிசி , பருப்புனு எல்லா சாமானும் இருக்கும்.. எப்பிடி???

இருவர்              

இது உண்மை கதையா?? கேனத்தனாமா கேக்குறேனா?? செரி விளக்கமா கேக்குறேன்.. கருணாநிதி-எம்.ஜி.ஆர். நட்பு படத்தின் அடிநாதம் என்றால் படத்தில் வரும் அனைத்து காட்சிகளும் உண்மையா?? சிலது பினைவு (ரெண்டு ஐஸ்வர்யா..) என்றால்.. எது எது எல்லாம் புனைவு??? (யாராவது முழு பதிவே போடுங்கப்பா…

நான் கடவுள்

 சமீபகாலமாக எல்லாருக்கும் இருக்கும் ஒரு சந்தேகம்தான்… அந்த கிளைமாக்ஸுக்கு என்னதான் அர்த்தம்..???

சந்திரமுகி

கிளைமாக்ஸ்…. கங்காவை காப்பாற்றியது யார்??? மன நல மருத்துவரானா தலைவரா.. அல்லது ராம கிருஷ்ன ஆச்சரியாரா?? ரெண்டு பேரும்தான்.. அப்ப்டீனா.. மனோ தத்துவ முறையோ.. ஆன்மீகமோ தனித்தனியாக யூஸ் பண்ண முடியாததா??மிக்ஸ் பண்ணாத்தான் ரிசல்ட் கெடக்குமா??

மேதை

எல்லா படத்துக்கும் ரெண்டு வரியாவது போட்டேன்.. இந்த படத்துக்கு என் பதிவோட தலைப்பே பொருந்தும்..

 

     “இதுக்கு என்ன அர்த்தம்…?????”

 

உங்களுக்கு புடிச்சா வோட்டு போடுங்க.. புடிக்காட்டியும் வோட்டு போடுங்க.. நீங்க படிச்சா மட்டும் போதும்.. நீங்க படிச்சா மட்டும் போதும்..

                   

           

ஏன் எழுதவில்ல.. இவ்வளவு நாளா????

2008 அக்டோபரில் தமிழ் வலையுலகை பற்றி அறியாத நிலையில்..  கடைக்குட்டி என்னும் புனைப்பெயருடன் எழுத ஆரம்பிச்சேன்.. ஆன இப்போ கொஞ்ச நாளா (மூணு மாசமா) எழுதுறது இல்ல.. ஏன்...???

அவசரப்பட்டு ஆரம்பித்து விட்டேனோ என்றொருஎண்ணம்....

வலையுலகில் என்னதான் நடக்குதுன்னு கொஞ்சம் ஒதுங்கி இருந்து பார்க்க நெனச்சேன்...

புது நண்பர்களை சேர்க்குரதுக்கு முன்னாடி... மத்தவங்க நட்ப ரசிக்க நெனச்சேன்.. (பரிசலாருக்கும் கார்கிக்கும் கெமிஸ்ட்ரி சூப்பர்..)

இப்போ நான் நெனச்ச மாதிரி ஓரளவு தயாராய்ட்டேன்.. ஸோ.. செக்கண்ட் இன்னிங்ஸ் ஆரம்பம்..

இத இதலாம் எழுதணும்னு எத எதயோ நெனச்சு வச்சு இருக்கேன்..அத அதயெல்லாம் இனிமே நீங்க அப்பப்போ படிக்கலாம்...

புகைப்பிடித்தல் உடல் நலத்திற்க்கு தீங்கு!!!

”மகளிர் மட்டும்” படத்தில் வரும் இந்தக் காட்சி முக்கால்வாசி பேருக்கு நியாபம் இருக்கலாம்... நாகேஷ் அவர்கள் பிணமாக நடிக்க ,அவரை எப்படியாவது தொலைத்து விட்டு வரவேண்டுமென்று அந்த மூணு ஹீரோயினும் முயற்சி செய்வாங்க...

இத இப்ப ஏன் நான் சொல்லுறேன்னா... இந்த காட்சி வரும் போது.. பிணமாக இருக்கும் நாகேஷ் கையில ரோகிணியும்,ஊர்வசியும் சிகெரட் குடுத்து .. அவர் சிகெரட்  குடிக்கிற மாதிரி செய்வாங்க... இந்த சீன பலமுற பாத்து இருந்தாலும் அன்னக்கி கலைஞர் டிவியில பாக்கும்போது பகீர்னு இருந்துச்சு.. 

பிணத்தோட கைல சிகெரட் இருக்கும் போது  புகைப்பிடித்தல் உடல் நலத்திற்க்கு தீங்கு!! அப்படீன்னு கார்டு போட்டாங்க....

சின்ன வயசுலேர்ந்து பல முற இந்த சீன பாக்கும் போது தோணாத ஒரு விஷயம் இவங்க கார்டு போட்டு

காட்டும் போதுதான் உரைக்குது...ஐயா .. ரொம்ப மோசமான வில்லன் வரும்போது அந்த கார்ட போட்ரீங்க .. ஓ.கே...

இந்தமாறி யாருமே கவனிக்க முடியாத சீன்லயெல்லாம் போட்டு உங்க கடைமை உணர்வ காட்டணுமா???

என்ன கேட்டா இந்த எச்சரிக்கை குடுக்குற கார்டே தப்புன்னு சொல்லுவேன்.. யாருக்காக இதை டி.வி

சீரியல்லயெல்லாம் போடுறாங்களோ!!!

நான் பார்த்த முதல் சாலை மறியல்..!!

அனுபவம்
                           

               இன்று சுமார் பண்ணிரெண்டரை மணியளவில் .. சென்னை பாரீஸ்.. மண்ணடி அருகே மக்கள் சாலை மறியலில் ஈடுபட்டனர்... இரண்டாயிரம் ரூபாய் வெள்ள நிவாரண நிதி கிடைக்கவில்லையென்று.... 

போராட்ட்த்தின் துவக்கத்தை இங்கு காணாலாம் (வீடியோ)..

               

            மக்கள் கலைந்து செல்லும் அழகை காண இங்கு கிளிக்கவும்... (வீடியோ)

            அரை மணி நேரம் போக்குவரத்து பாதிக்கப்பட்டது....இப்பிடிதான் எல்லா இடத்துலையும் நடக்குதா??? இதுல யார் மேல தப்பு???

ஆட்டோ கதை

 முதல் நாள் செங்கல்பட்டில் உள்ள அந்த காலேஜிற்க்கு அந்த காலேஜ் பஸ்ஸிலேயே போய் வந்துவிட்டோம்.சரி, அடுத்த நாள் நாம தனியா போயிடுவோம்ன்னு நாங்க நாலு பேர் கெளம்பிட்டோம்...

தாம்பரம் ரயில்வே ஸ்டேஷனுக்கு ,எல்லாரும் வந்து சேந்துட்டோம்....செங்கல்பட்டும் போய் சேந்துட்டோம்.... ஸ்டேஷன்ல இருந்து வெளிய பொகும் போது என் நாக்குல ‘நாக்க மூக்கா’ ரேஞ்க்கு ஆடுச்சு சனியன்....

“டேய் ! மாப்ள ஆட்டோ ல போலாம்டா இங்க இருந்து அந்த காலேஜ்க்கு....”

“எவ்ளோ கேப்பாங்களோ!! வேணா மச்சி.. ஒழுங்கா பஸ்லேயே போய்டலாம்..” - என் நண்பன்

“ஏய்.. சும்மா கேட்டுப் பாப்போம்டா...”

“அண்ணா _ _ _ _ _ _  காலேஜ் போகனும்னா.. எவ்ளோனா??”

“காலேஜாபா??முப்பது ரூவா ஆவும்பா..”

எங்களுக்கு அளவில்லாத சந்தோஷம்.நாலு பேரு.. முப்பது ரூவாதான்... இருந்தாலும் சும்மா இருக்குமா நம்ம வாய்...

“என்னண்ணா?? நேத்துதான் இதே வழியா போனோம்.. இருபது ரூபாய்க்கே போய்ட்டோம்னா....”

”காலைல மொத போனிபா... இருபத்தி அஞ்சு ரூவா குடுபா .. போலாம்,,,”

“போலாம் ரைட்...”

ஒருவர் மடிமேல் ஒருவர்...இனிதே துவங்கியது எங்கள் பயணம்....

போகும் வழியில் டீசல் போட்டுக் கொள்ள கொஞ்ச நேரம் நின்றது வண்டி... (டீசலை எரிபொருள் என்று தமிழில் சொல்லக்கூடாது...அது கண்டுபுச்சவருடைய பேரு.. - நன்றி விஜய் டிவி ) தட்டுத்தடுமாறி.. அடுத்த தெருவில் போய் நின்றது...

“எறங்குபா.. காலேஜ் வந்துருச்சு...”

இறங்கிப் பார்த்தால்... அது ஒரு மருத்துவக் கல்லூரி.. நாங்க போக வேண்டியதோ ஒரு பொறியியல் கல்லூரி.. தலை சுற்றி விட்டது...

“அண்ணா.. நாங்க _ _ _ _ _ _ _ காலேஜ் போகனும்ணா... இது இல்ல”

“இதாம்பா!! காலேஜ்...”

அடக்கடவுளே... இது என்ன கன்னி பசங்களுக்கு வந்த சோதனை.... அந்த புண்ணியவான் காதுல காலேஜ் பேர் விழல...

செரி, பக்கத்துல உள்ளவங்ககிட்ட கேட்டோம்... அந்த காலேஜ் எங்க இருக்குன்னு...

காது கொய்ய்ய்ய்ய்ய்ய்ய்ய்ய்ய்ய்ய்ய்ங்ன்னு கேட்டது...  இன்னும் பத்து பண்ணெண்டு கிலோமீ போகனுமாம்....நம்ம டிரைவர் அண்ணாச்சிக்கு இது கேக்கல... வேற வழி தெரியல.. “அண்ணா... அதோ பக்கத்துலதானாம்... கெளம்பலாம்...”

வண்டி கிளம்பியது... யாருக்கும் ஒண்ணும் புரியல.. என்ன ஒரு கேவலமானா பார்வை பாத்த்னுங்க... மறக்கமுடியாது....

ஊர் முடிஞ்சு வயல் வரப்பு எல்லாம் வர ஆரம்பிடுச்சுச்சு... சோள காடெல்லாம் பாத்தோம்...ஆட்டோவ மறுபடியும் நிறுத்தி.. அவருக்கு கேக்காத மாதிரி வழி கேட்டோம்....எதோ பக்கத்துல வந்துட்டோம்னு ஒரு நெனப்பு....

ஒரு மலைய தூரத்துல பாத்தோம்.. அந்த மலையே வந்துருச்சு... காலேஜ் வரல இன்னும்....

“ஸ்டாப் ஸ்டாப்.. அதோ காலேஜ்..” உயிர் வந்தது எங்களுக்கு....

அடுத்து என்ன பண்றதுனு தெரியல... நான் போனேன் .. வழக்கம் போல... “என்னண்ணா.. லேட்டா வந்துட்டீங்க....” எழுத்தில் வடிக்கமுடியவில்லை அவர் பார்த்த பார்வையை....

“தம்பீ... நூத்தி இருபது ருவா குடுங்க,,,,” அவ்ளோ காச குடுத்துட்டா.. நாங்க எப்படி திரும்பி போறது.. கைல கால்ல விழுந்து.. எழுபது ரூவா குடுத்துட்டு வந்தோம்....

இதுல யார் மேல தப்புன்னு தெரியல... ஆனா இந்த அபாரமான ஆட்டோ அனுபவத்த எங்களால மறக்க முடியல... இதை எழுதனும்னு நெனச்சேன்... முடிச்சாச்சு. .....